O SonRías Baixas vén de anunciar novos nomes do cartel da vindeira edición. Segismundo Toxicómano, Nao, Dakidarría, Boikot e Periferia Norte subiranse ao escenario do festival de Bueu os días 1, 2 e 3 de agosto.
Estas bandas, das máis destacadas na escena alternativa do Estado, súmanse ás xa anunciadas o pasado mes de xaneiro: La Pegatina, La Maravillosa Orquesta del Alcohol (La M.O.D.A.), Muyayo Rif, Zea mays e ZOO.
As entradas para o festival están á venda na web sonriasbaixas.info cun prezo especial e limitado de 31 euros máis gastos os tres días de concertos, acampada incluída.
