jueves. 21.11.2019 |
El tiempo
jueves. 21.11.2019
El tiempo

O Sinsal é o festival máis sostible de España

Público nun concerto do SinSal. DP
Público nun concerto do SinSal. DP

Os Premios Fest recoñecen o compromiso social e ambiental do evento celebrado en San Simón 

O Sinsal Son Estrela Galicia, que desde 2010 celébrase cada ano no espazo protexido da illa de San Simón, en Redondela, foi recoñecido como o festival de música máis sostible de toda España no Congreso de Festivais do Bizkaia International Music Experience.

Segundo informou este xoves o propio festival, foi Julio Gómez, codirector do festival, quen recolleu este xoves o premio en Bilbao, cando se cumpría a sexta edición dos Premios Fest, organizados pola Asociación de Promotores Musicais (APM). 

🎉Onte pola noite recollimos en Bilbao o @PremiosFest ao festival máis sostible por Sinsal @SON_EG
Fainos ilusión o recoñecemento a un traballo de anos, en proceso sempre!
Queremos agradecerllo ao público, institucións e empresas que entenderon a necesidade de sermos sostibles. pic.twitter.com/Y2CWuZFnln

— Festival Sinsal (@Sinsalaudio) October 31, 2019

Este galardón súmase ao Premio Fest que en 2015 recibiu Sinsal como Mellor Festival de Formato Pequeno, mesma categoría na que foi recoñecido en 2018 nos 'Iberian Festival Awards', onde tamén participan os festivais portugueses.

"O noso compromiso coa sustentabilidade non é novo, senón que está na nosa orixe, é parte da nosa cultura e está presente no noso día a día. Proba diso son as diferentes actuacións que fomos implementando en edicións anteriores no ámbito ambiental, económico e social", dixo Julio Gómez.

Sinsal é, desde os seus inicios, un festival pequeno, diúrno e respectuoso coa contorna, que incorporou a igualdade de xénero nos seus valores e principios desde a primeira edición, que facilita a participación das familias e que fomenta o consumo responsable e o produto local, di o comunicado.

De feito, o festival tamén era finalista na categoría de Igualdade, premio que gañou o Músiques Sensibles, de Barcelona. 

O Sinsal é o festival máis sostible de España
Comentarios