A cadea Hilton abrirá un hotel na Coruña en 2020

O establecemento abrirá no antigo edificio de Rede Eléctrica de España, situado na rúa Zalaeta

Antigo edificio de Rede Eléctrica de España, na Coruña. GOOGLE MAPS
photo_camera Antigo edificio de Rede Eléctrica de España, na Coruña. GOOGLE MAPS

A cadea de hoteis Hilton terá presenza en Galicia a partir de 2020. A compañía internacional abrirá o seu primeiro establecemento hostaleiro na Coruña, na rúa Zalaeta.

O antigo edificio de Rede Eléctrica de España albergará o hotel, que levará por nome DoubleTree e que contará con 60 habitacións. 

Segundo destaca a compañía nun comunicado, "será o primeiro hotel boutique da Coruña cunha identidade e personalidade propias á vangarda do deseño".

As obras, que contan cun orzamento de 1,5 millóns de euros, durarán aproximadamente un ano. A cadea prevé abrir as portas do hotel coruñés a comezos de 2020.

Comentarios