Economía
Liberbank desoye la oferta de Abanca
A Comisión Nacional do Mercado de Valores (CNMV) deu un prazo "improrrogable de dez días hábiles" a Abanca para comunicar, mediante un novo feito relevante, se finalmente lanza unha opa sobre Liberbank.
O prazo dado pola CNMV a Abanca iniciouse este luns, cando foi recibido o requirimento, segundo un feito relevante remitido pola entidade de orixe galega.
No citado requirimento, a CNMV solicita a Abanca que no caso de que finalmente decida lanzar unha opa, o faga "segundo os termos previstos no Real Decreto de OPAs", corrixindo aqueles aspectos da información publicada na tarde do pasado venres día 22 de febreiro que impiden considerala como unha Oferta Pública de Adquisición. E, en particular, eliminando toda referencia a que a opa está suxeita a un proceso de revisión, engade a CNMV.
O pasado venres, Abanca recoñeceu a existencia de conversacións con algúns accionistas de Liberbank para "promover unha acción corporativa entre ambas as entidades" e que de prosperar levaría un pago en accións de Abanca ou en efectivo.
Abanca ofrece 1.700 millóns de euros para facerse co 100 % de Liberbank mediante un troco de accións coas fundacións de Cajastur, Caixa Estremadura e Caixa Cantabria, e, en teoría, un pago de case 1.300 millóns ao resto de accionistas.
O banco de orixe galega controlado polo venezolano Juan Carlos Escotet parece disposto a pagar 0,56 euros por título aos accionistas, segundo informou o pasado venres á CNMV, con todo, a súa proposta é singular porque se articularía como unha opa por fases e chega en pleno proceso de fusión de Liberbank con Unicaja Banco.
