jueves. 14.11.2019 |
El tiempo
jueves. 14.11.2019
El tiempo

O alcalde de As Pontes reclama a incorporación de Galicia ao fondo de descarbonización da UE

Reunión de Formoso en Bruselas. EP
Reunión de Formoso en Bruselas. EP
González Formoso reuniuse en Bruxelas coa directora xeral de Enerxía da Unión Europea

O alcalde de As Pontes e presidente da Deputación da Coruña, Valentín González Formoso, reclamou a incorporación de Galicia ao fondo de descarbonización que prepara a Unión Europea. 

Así o trasladou nunha reunión que mantivo, en Bruxelas, coa directora xeral da Enerxía da Unión Europea, Ditte Juul Jorgensen. Nela, estivo acompañado polo eurodeputado socialista Nicolás González Casares. 

Sobre o encontro, o alcalde de As Pontes trasladou, ao termo do mesmo, que expuxo o malestar pola modificación no mercado de dereitos de emisión de CO2, "que provocará a saída do mercado das centrais térmicas que decidiron apostar polo medio ambiente e adaptarse á directiva europea de emisións industriais". 

Ademais, expuxo que solicitaron a incorporación de Galicia ao fondo de descarbonización de rexións carboníferas. "Son fondos cuantiosos e que poden ser un soporte importante na reactivación industrial da nosa comarca", apostilou. 

No encontro, expuxo tamén a redución na central das Pontes da presenza do carbón e a súa substitución por outros combustibles renovables para garantir o futuro da instalación, algo que, segundo Formoso, "entra dentro da filosofía das liñas estratéxicas da Unión Europea". 

Formoso cualificou de "moi positiva" a reunión, aínda que a acolleu con "cautela", sobre todo polo feito de que aínda estea en proceso o deseño do fondo de descarbonización, do que dixo que o obxectivo sería que permitiría a utilización dos seus recursos para a transformación da central de As Pontes. 

O alcalde de As Pontes reclama a incorporación de Galicia ao fondo...
Comentarios