En Marea avisou este martes de que os seus cinco deputados non apoiarán os Orzamentos de 2019 se non se aumenta o investimento a Galicia, sobre todo en infraestruturas ferroviarias e portuarias, e criticaron que as partidas para 2019 reducíronse un 20%.
"É absolutamente inasumible para os cinco deputados de En Marea dar o si aos Orzamentos Xerais do Estado", puntualizou a deputada desta formación Yolanda Díaz en declaracións no Congreso tras sinalar que tanto o presidente do Goberno, Pedro Sánchez, como a ministra de Facenda, María Jesús Montero, son coñecedores desta advertencia.
Díaz incidiu en que as contas de 2019 son "malas" para Galicia e puxo como exemplo o investimento proxectado de 200.000 euros para en tren que une Ferrol coa Coruña e que traslada diariamente a preto de 3.000 persoas. A ferrolá reivindicou demandas históricas como o Eixo Atlántico ferroviario, ou maiores investimentos para os portos e aeroportos.
"Dicimos a Sánchez, así non. Estamos moi lonxe de dar a aprobación ao Orzamento Xeral do Estado. A axenda galega está paralizada e se non se negocia non daremos un si", reiterou.
Neste sentido, as partidas poderían ser negociadas entre os tres partidos durante o trámite dos Orzamentos na Comisión de Orzamentos do Congreso, a condición de que as contas superen a súa primeira proba, que é o debate de totalidade.
Díaz tamén fixo un chamamento ao Partido Socialista Galego e ao delegado do Goberno para que "non queden calados ante este agravio orzamentario".
