martes. 19.11.2019 |
El tiempo
martes. 19.11.2019
El tiempo

O paro baixa en 13.600 persoas no segundo trimestre en Galicia

Oficina del servicio público de empleo. PEPE FERRÍN (AGN)
Oficina del servicio público de empleo. PEPE FERRÍN (AGN)
El paro baja en 13.600 personas en el segundo trimestre en Galicia y la ocupación crece en 18.500 empleos La tasa de desempleo en la comunidad se sitúa en un 11,33%, mientras la de actividad asciende al 53,08%

O paro diminuíu en 13.600 persoas no segundo trimestre do ano en Galicia en relación co trimestre anterior, un 8,81%, até 140.400 desempregados. Mentres, a ocupación subiu un 1,72%, en 18.500 individuos, até 1.098.800, segundo a Enquisa de Poboación Activa (Epa) que publica este xoves o Instituto Nacional de Estatística (Ine). No conxunto estatal, os desempregados baixaron en 123.600 persoas, o que supón un 3,7% menos que no trimestre anterior, até situarse o total de desempregados en 3.230.600 persoas, o seu nivel máis baixo desde finais de 2008.

Na comunidade galega, respecto ao mesmo trimestre de 2018, a caída do desemprego foi en 34.700 persoas, un 19,8%. Os ocupados son 23.000 máis que 12 meses atrás, un 2,14% máis. Desta forma, a taxa de paro situouse no 11,33% en Galicia no segundo trimestre de 2019, case 2,7 puntos por baixo da media; mentres que a taxa de actividade chegou ao 53,08%.

Para os homes, a taxa de paro é algo inferior (10,72%) que para mulleres (11,98%), do mesmo xeito que a de actividade é superior en homes (57,6%) que en mulleres (48,95%).

SOBEN OS ACTIVOS. No segundo trimestre do ano, ademais, Galicia rexistrou un incremento do número de activos, con 5.000 máis, un 0,4%, até 1.239.100. Na evolución anual segue experimentando un descenso, en concreto en 11.700 persoas, un 0,93%. A poboación de 16 anos e máis alcanza as 2.334.300 persoas, 400 máis que no trimestre anterior (+0,02%). Son 800 máis que hai un ano (+0,04%).

O paro baixa en 13.600 persoas no segundo trimestre en Galicia
Comentarios