O tráfico de pasaxeiros aumentou nos aeroportos da Coruña e Vigo e descendeu no de Santiago de Compostela, respecto ao mesmo mes do ano anterior, segundo datos facilitados este luns pola firma Aena.
O maior crecemento do tráfico de pasaxeiros rexistrouno o aeroporto coruñés de Alvedro, cun 10,3%, alcanzando 101.566 pasaxeiros, deles 89.293 en voos co resto de España e outros 11.185 de traxectos internacionais.
En termos de crecemento seguiuno o aeroporto vigués de Peinador, cun aumento do 8,8%, ao alcanzar os 98.621 pasaxeiros, dos cales 84.394 de voos co resto de España e 14.201 en traxectos internacionais.
O aeródromo compostelán de Lavacolla-Rosalía de Castro tivo en cambio un descenso de 4,3% do número de pasaxeiros, aínda que continúa sendo o maior de Galicia, cun total de 232.894 pasaxeiros en abril, o que supón máis que o volume dos outros dous xuntos.
Do total de pasaxeiros, 172.596 foron de voos con outros destinos de España e 60.298 de voos internacionais.
En canto a carga, Lavacolla tivo un tránsito de 257 toneladas de mercadoría en abril, fronte a de 48 toneladas en Peinador e máis de 13 toneladas no de Alvedro.
