miércoles. 14.04.2021 |
El tiempo
miércoles. 14.04.2021
El tiempo

A Xunta manterá "se é necesario" en 2021 as axudas aos autónomos

Un camareiro recolle unha terraza nunha rúa de Santiago de Compostela. LAVANDEIRA JR (EFE)
Un camareiro recolle unha terraza nunha rúa de Santiago de Compostela. LAVANDEIRA JR (EFE)
As subvencións pendentes a microempresas, hostalería e autónomos pódense pedir desde este sábado e pagaranse en 2020 

A Xunta manterá "se é necesario" en 2021 as axudas para seguir "apoiando a calquera sector" que o necesite debido ás restricións sanitarias pola pandemia, segundo asegurou este venres a conselleira de Emprego e Igualdade, María Jesús Lorenzana.

Durante unha visita ao centro de formación Forga de Vigo, para coñecer un programa de emprego integrado que desenvolve a Federación de Hostaleiros con financiamento autonómico, a conselleira confirmou que, ata este xoves, o número de solicitudes de axudas para autonómos, relativas ao primeiro paquete de axudas da Xunta, ascendía a 17.635.

Lorenzana constatou que esas axudas para autónomos "están a ter moita demanda", aínda que matizou que "queda orzamento dispoñible", uns 9 millóns de euros, dos 30 millóns cos que se dotou ese primeiro programa. "En 2021, se é necesario, imos continuar apoiando a calquera sector polas restricións sanitarias, e así está previsto nos orzamentos da Consellería", sinalou.

As axudas pendentes pódense pedir desde este sábado e pagaranse en 2020 
O Diario Oficial de Galicia publica este venres as ordes de axudas para microempresas, autónomos a cargo e hostalería que faltaban por activar e que forman parte do plan de rescate para estes colectivos no marco da crise económica derivada da pandemia. Segundo se recolle na orde, revisada por Europa Press, o abono das subvencións reguladas neste programa realizaranse "polo 100 por cen no ano 2020". 

A orde de axudas, dotada con 84 millóns de euros, entra en vigor este sábado, tras o paso previo da publicación este venres no DOG. O propio presidente da Xunta, Alberto Núñez Feijóo, avanzou este xoves esta medida tras recordar que o prazo para solicitar a primeira das liñas de axudas, a dirixida a persoas autónomas con ou sen empregados, de entre 1.200 e 2.000 euros, xa se abriu a semana pasada e para ela recibíronse 17.009 solicitudes que xa teñen comprometidos 21 millóns de euros. 

A nova orde de axudas especifica que son compatibles coa primeira liña de subvencións habilitada pola Xunta, así como con calquera outra axuda das administracións públicas. 

O prazo máximo para resolver e notificar é dun mes, que se computará desde a data de entrada da solicitude no rexistro do órgano competente para a súa tramitación.

BENEFICIARIAS. Deste xeito, a partir deste sábado e ata o próximo 28 de decembro poderanse solicitar estas axudas, das que se poderán beneficiar microempresas e persoas autónomas con persoal contratado, así como estes colectivos e pemes de sectores especialmente paralizados –lecer nocturno, atraccións de feira e determinadas actividades como transporte, axencias de viaxe, cines, comidas preparadas para eventos, parques de atraccións e similares–. 

As contías, segundo a Xunta, irán desde os 4.000 aos 5.000 euros e para acceder a elas hai que ter un Erte autorizado pola covid desde a declaración do estado de alarma e achegar perdas de polo menos o 45 por cento como consecuencia da pandemia. Como contraprestación, os empresarios deberán comprometerse a manter o emprego seis meses. 

A Xunta manterá "se é necesario" en 2021 as axudas aos autónomos
Comentarios