En declaracións a EFE, puxo en dúbida que o Consello de Ministros vaia iniciar o vindeiro venres os trámites para desenterrar o seu corpo e, en todo caso, preguntouse cal sería a fórmula.
"Todo son conxecturas -agregou-. ¿Vai ser un decreto-lei, unha proposición de lei ou un real decreto?".
E considerou que "dá igual" porque, en calquera caso, sería de rango inferior ao dereito internacional, xa que para a Basílica do Valle de los Caídos "rexe o dereito canónico", polo que habería que negociar outro convenio coa Santa Sé.
Chicharro precisou que o terreo das igrexas é "inviolable" e que as leis de Estado "non teñen capacidade para os lugares de culto".
Remitiuse aos informes do Comité de Expertos de 2011, que concluíron que "a única autoridade" no Val dos Caídos é o prior da comunidade benedictina e que, "por encima, só está o papa", o que está avalado por xuristas "recoñecidos".
O presidente da Fundación indicou que o Goberno non se puxo en comunicación con eles e que, aínda que "coa familia intentárono, cónstame que non houbo contacto".
Manifestou que os descendentes de Franco "apoian que siga" na tumba actual e que manteñen que "ten que seguir aí, e non contemplamos ningunha outra posibilidade, salvo unha intervención do papa", que descartou.
Fundación Franco: "Sen permiso da familia unha exhumación é unha profanación"
Juan Chicharro defende que para a Basílica do Valle de los Caídos "rexe o dereito canónico", polo que habería que negociar outro convenio coa Santa Sé.
