Junts per Catalunya (JxCat) e ERC pecharon un acordo recolleito nun documento que xa foi trasladado á CUP e que inclúe o desenvolvemento dun proceso constituínte con participación da cidadanía, co que se redactaría unha "constitución catalá".
Nunha entrevista en TV3, o portavoz adxunto de JxCat, Eduard Pujol, aseverou que a CUP xa ten nas súas mans este acordo e pediulle "un esforzo" aos antisistema para que se pronuncien sobre o mesmo antes do luns, cando está programado o pleno de investidura de Jordi Sànchez, que está no aire porque depende de se o xuíz do Tribunal Supremo (TS) Pablo Llarena decide excarceralo antes desa data.
Pujol indicou que o documento acordado con ERC desenvolve un proceso constituínte participativo coa cidadanía, no que, sobre "un papel en branco", porase "todo en cuestión" e que acabaría nunha sorte de "constitución catalá".
