Piden ao TS que investigue a Puigdemont por corrupción na xestión da auga de Xirona

Un xuíz atribúelle delitos de prevaricación, fraude e falsidade documental por presuntamente desviar fondos para comprar un fondo de arte 
Puigdemont. EFE
photo_camera Puigdemont, durante unha rolda de prensa en Bruxelas. EFE

A titular do Xulgado de Instrución número 2 de Xirona remitiu o Tribunal Supremo unha exposición razoada na que solicita que o expresidente catalán Carles Puigdemont sexa investigado por delitos de prevaricación, fraude á Administración e falsidade documental na xestión da calidade da auga da cidade cando era alcalde. 

Segundo informaron a Europa Press fontes xurídicas, a maxistrada accedeu á petición formulada pola Fiscalía Anticorrupción, xa que considera que Puigdemont destinaría en 2015 un millón de euros previstos para "a aplicación do canon extraordinario da concesión do servizo de augas" a comprar un fondo de arte para o Concello. 

O inicio desta investigación remóntase a catro anos atrás, tras unha denuncia da CUP presentada en Anticorrupción. A xuíza de Xirona solicitou a imputación de Puigdemont ante o Tribunal Superior de Xustiza de Cataluña (TSJC), pero tras adquirir o expresident a condición de europarlamentario, é o Supremo o que debe coñecer estas actuacións. 

Comentarios