miércoles. 11.12.2019 |
El tiempo
miércoles. 11.12.2019
El tiempo

Abel Losada e a exministra Espinosa, nos primeiros postos da lista de Caballero

Abel Losada. AEP
Abel Losada. AEP

A saída de Losada do Parlamento de Galicia facilita a entrada do secretario xeral do PSdeG, Gonzalo Caballero, no Pazo do Hórreo

A exministra Elena Espisona e o deputado autonómico do PSdeG Abel Losada figuran no terceiro e o quinto posto, respectivamente, da lista que o alcalde socialista de Vigo, Abel Caballero, presentará para as próximas eleccións municipais do 26 de maio, segundo informaron fontes o PSOE local a Europa Press. 

Coa saída de Abel Losada do Parlamento de Galicia -o regulamento do PSOE contempla que cada militante só poida ostentar un cargo- queda despexada a incógnita sobre que parlamentario autonómico facilitaría a entrada do secretario xeral do PSdeG, Gonzalo Caballero ao Pazo do Hórreo. 

E é que o xefe de filas dos socialistas galegos concorreu no seu momento como número cinco da lista do PSdeG por Pontevedra nunhas eleccións autonómicas na que esta formación se fixo con catro escanos. O propio Gonzalo Caballero anunciou que formalizaría a súa entrada despois das eleccións municipais polo que a saída de Losada deixa claro como se producirá a substitución. 

PRIMEIROS NOMES. Segundo precisaron estas fontes do PSOE local, a presidenta da Deputación de Pontevedra, Carmela Silva, ocupa o número dous da candidatura de Abel Caballero, na que María José Caride concorre no cuarto posto. 

A profesora Ana Mejías figura no sexto lugar; Javier Pardo no sétimo; Carlos López Font no oitavo; Jaime Aneiros no noveno; Yolanda Aguilar no décimo; e Manel Fernández no décimo primeiro. 
 

Abel Losada e a exministra Espinosa, nos primeiros postos da lista...
Comentarios