sábado. 07.12.2019 |
El tiempo
sábado. 07.12.2019
El tiempo

Absolto o alcalde de Tui dun delito leve de ameazas a un directivo do Kayak Tudense

O alcalde de Tui, Carlos Vázquez Padín.DP
O alcalde de Tui, Carlos Vázquez Padín.DP

"Pola miña honra persoal valía a pena recorrer", proclamou o rexedor tras recibir o respaldo da Audiencia Provincial

A sección cuarta da Audiencia Provincial de Pontevedra aceptou o recurso presentado polo alcalde de Tui, Carlos Vázquez Padín, e absolveuno do delito leve de ameazas polo que fora condenado ao pago dunha multa en decembro pasado. 

O xulgado de instrución e primeira instancia número 3 de Tui condenou o pasado decembro ao rexedor tudense a pagar 450 euros de multa por ameazar o director deportivo do Club Kayak Tudense con "airear os seus trapos sucios", despois de que este afirmase nun medio de comunicación que Tui "non necesita un figurín", en alusión ao alcalde. 

A xuíza de primeira instancia ditou sentenza condenatoria, por considerar probado que Vázquez Padín tivo unha actitude "claramente amoestadora" cara este particular, e lembráballe que, como cargo público, está "sometido á libre crítica". Con todo, o alcalde recorreu a sentenza e agora a Audiencia deulle a razón. Segundo trasladou o propio rexedor a través dun comunicado, o tribunal provincial entende que "non se aplica o principio de 'in dubio pro reo', nin o de mínima intervención, á vez que non hai axuste ao tipo penal". 

"Pola miña honra persoal valía a pena recorrer", proclamou o alcalde de Tui, quen subliñou que "agora se fai xustiza". Contra a resolución da Audiencia non cabe recurso. 

Absolto o alcalde de Tui dun delito leve de ameazas a un directivo...
Comentarios