Un mécanico dun taller de Carballo levouse un susto ao descubrir unha serpe emerxer do motor do coche que no que estaba a traballar.
Tras dar a voz de alarma, os seus compañeiros acudiron para comprobar que era o que atopara baixo o capó do vehículo. O persoal deu aviso do achado aos servizos de urxencia sen saber se estaban ante unha especie perigosa. Finalmente, o animal, que resultou ser un espécime de serpe do millo, un animal foráneo e non venenoso, habitual nos afeccionados aos terrarios, que pode superar o metro de lonxitude.
Descoñécese como puido acabar alí o animal. Ao lugar desprazáronse a Policía Local, a Garda Civil, Protección Civil e un axente ambiental, que foi ou que retirou ao réptil, que acabaría por perder a vida no Centro de Recuperación de Fauna Salvaxe de Oleiros, posiblemente por mor dun traumatismo interno.