sábado. 16.01.2021 |
El tiempo
sábado. 16.01.2021
El tiempo

Activada a alerta laranxa por temporal en todo o litoral galego

As ondas azoutan o litoral galego. JM VÁZQUEZ (AEP)
As ondas azoutan o litoral galego. JM VÁZQUEZ (AEP)

A Xunta aconsella a suspensión das actividades pesqueiras e marisqueiras nas zonas máis perigosas

A Dirección Xeral de Emerxencias e Interior da Xunta activou por temporal en todo ou litoral galego a alerta de nivel laranxa, que supón que existe un risco meteorolóxico importante por fenómenos non habituais e con certo grao de perigo para as actividades usuais.

Por conseguinte, a Xunta aconsellou a suspensión das actividades pesqueiras e marisqueiras como medida preventiva nas zonas máis perigosas e recomenda que se extremen as medidas de seguridade á hora de realizar calquera actividade no mar e que se revisen os cabos e amarres das embarcacións.

O nivel laranxa foi activado desde as 14.00 horas deste martes no litoral da provincia da Coruña con vento do Sur– Suroeste de forza 8, que se estenderá á costa de Lugo e pola tarde ao litoral de Pontevedra, onde pode alcanzar forza 9 pola noite.

Para este mércores, prevese que ao redor das 15.00 horas haxa mar combinada do Oeste, con ondas de 5 a 6 metros nos litorais da Coruña e Pontevedra e vento do Noroeste de forza 8. 

Activada a alerta laranxa por temporal en todo o litoral galego
Comentarios