martes. 10.12.2019 |
El tiempo
martes. 10.12.2019
El tiempo

Asaltan o Pazo de Oca e marchan sen apenas botín

Fiestra pola que os ladróns accederon ao interior do Pazo de Oca. PATRICIA FIGUEIRAS
Fiestra pola que os ladróns accederon ao interior do Pazo de Oca. PATRICIA FIGUEIRAS

A rápida activación da alarma frustrou as intencións dos ladróns

O Pazo de Oca, na Estrada, foi obxectivo dun roubo na madrugada deste luns. Por sorte, a activación da alarma frustrou as intencións dos ladróns.

Os ladróns intentaron entrar no inmoble sobre as 12 da noite forzando unha das portas exteriores. Romperon o cristal, pero as contraventás resistiron o intento de asalto.

Seguidamente, accederon a unha estancia rompendo o cristal dunha fiestra dun piso superior pero a inmediata activación da alarma obrigounos a marchar sen apenas botín. Os ladróns só lograron coller un crucifixo de prata e o Salmón de Ouro co que o Concello da Estrada distinguiu a Fundación Casa Ducal de Medinaceli hai exactamente un ano.

Tras tramitar a denuncia, a Garda Civil investiga os feitos.

Asaltan o Pazo de Oca e marchan sen apenas botín