Jueves. 18.10.2018 |
El tiempo
Jueves. 18.10.2018
El tiempo

Baralla, Becerreá, Guntín e O Carballiño, epicentros de pequenos terremotos

Seísmo registrado en Guntín.  IGN
Seísmo registrado en Guntín. IGN

Catro sismos foron rexistrados nos últimos días na comunidade

Catro terremotos de baixa intensidade, ningún por encima de 2,5 graos na escala Richter, rexistráronse desde o xoves en Galicia.

O primeiro deles tivo como epicentro Baralla. Foi de de 2 graos e produciuse ás 12.13 horas. Seguiulle outro de 2,5 en Becerreá o sábado ás 8.30. Ambos apenas se deixaron sentir na zona coñecida como o triángulo sísmico lucense, que abarca tamén os municipios próximos de Triacastela e Sarria.

Na provincia de Ourense tamén se rexistrou outro pequeno tremor o sábado ás 13.59 horas, segundo recolle o Instituto Xeográfico Nacional: foi no Carballiño e de 2,1 graos.

O último municipio en tremer foi o de Guntín de Pallares, outra vez en Lugo, o sábado pouco despois das 23.00 horas e cunha intensidade de 2,3.

Baralla, Becerreá, Guntín e O Carballiño, epicentros de pequenos...
Comentarios