domingo. 01.11.2020 |
El tiempo
domingo. 01.11.2020
El tiempo

O BNG urxe a reabrir os centros de día coas "máximas garantías"

Ana Pontón, na súa visita ao centro de Afagal. EFE
Ana Pontón, na súa visita ao centro de Afagal. EFE

A portavoz nacional do BNG e candidata á presidencia da Xunta, Ana Pontón, esixiu este xoves ao Goberno autonómico que reabra os centros de día "coas máximas garantías", xa que en Galicia "hai 14.000 usuarios que necesitan con urxencia este servizo".

Así o manifestou tras reunirse coa Federación de Alzhéimer de Galiza (Fagal) no seu centro en Santiago xunto á portavoz municipal do BNG, Goretti Sanmartín, e o número dous da lista da formación nacionalista pola Coruña, Xosé Luís Rivas Mini.

"Non se entende que se poidan celebrar verbenas, ir á praia ou abrir terrazas pero os centros de día sigan pechados ata setembro, con todo o que iso implica para a saúde dos usuarios e para as súas familias", apuntou Pontón, quen pediu explicacións ao presidente da Xunta, Alberto Núñez Feijóo.

Deste xeito, a candidata nacionalista urxiu a reabrir estes centros "con todas as garantías e reforzando o persoal, de ser necesario, co protocolo de seguridade sanitaria que se precise".

Pontón comprométese a poñer en marcha un servizo do benestar similar ao Sergas para xestionar desde o público residencias, centros de día e axuda no fogar 

"O que non pode facer o candidato do PPdeG é deixar de lado eses miles de persoas e de familias: ten que rectificar, porque é un servizo que necesitan", subliñou Pontón, quen asegurou que "o coidado dos máis vulnerables será unha prioridade para un goberno do BNG".

A líder do Bloque propuxo crear un Servizo Galego do Benestar, "un equivalente ao Sergas no ámbito dos servizos sociais" para así "avanzar na xestión pública de residencias da terceira idade, centros para persoas con necesidades especiais, centros de día e persoal de axuda no fogar".

"Nin a saúde, nin o dereito a unha vellez digna nin o dereito a ter os coidados que necesitamos pode ser motivo de lucro e negocio ou dun servizo de compravenda en función do que as persoas e as familias poidan pagar: son dereitos e hai que tratalos como tal", sentenciou.

Con respecto á atención ás persoas que padecen alzhéimer ou outras doenzas similares, Pontón sinalou que esta será "unha prioridade" para o BNG, cuxo programa "inclúe a extensión da rede pública de centros especializados en alzhéimer posta en marcha en 2008 polo Goberno bipartito".

O BNG urxe a reabrir os centros de día coas "máximas garantías"
Comentarios