jueves. 13.05.2021 |
El tiempo
jueves. 13.05.2021
El tiempo

Caballero tende a man a acordos parlamentarios de corte progresista

Gonzalo Caballero. EUROPA PRESS
Gonzalo Caballero. EUROPA PRESS
No entanto, non se trata dun cheque en branco -advertiu-, senón que ten que primar “a vontade por defender á xente ante unha crise de tanta envergadura”

O secretario xeral do PSdeG, Gonzalo Caballero, quixo recalcar este luns a disposición do seu partido e do seu grupo parlamentario a alcanzar nesta lexislatura que recentemente empeza grandes acordos políticos con medidas de corte progresista.

En rolda de prensa esta mañá, Caballero considerou que, no medio da pandemia da covid-19, é necesario “afrontar unha posición de país” para derrotar ao virus e conseguir que as graves consecuencias causadas polo seu forte impacto en Galicia e en España non prexudiquen aos máis desfavorecidos.

Por este motivo, demandou que se apliquen “políticas distintas ás que se aplicaron ante a gran recesión do ano 2008” e subliñou a súa intención de acordar actuacións co resto de forzas políticas do Parlamento galego.

“é o momento de grandes acordos de país e queremos dicirlle ao PP que o PSdeG-PSOE, desde unha oposición firme, contundente, pero leal co país, tende a man” a alcanzar este tipo de pactos.

No entanto, non se trata dun cheque en branco -advertiu Caballero-, senón que ten que primar “a vontade por defender á xente ante unha crise de tanta envergadura” e o compromiso de non practicar “máis recortes nos servizos públicos”.

“Nin un paso atrás na defensa dos servizos públicos, do Estado do benestar e na loita contra a desigualdade”, resolveu o dirixente socialista. 

Caballero tende a man a acordos parlamentarios de corte progresista
Comentarios