Os galegos van este domingo ás urnas cunha xornada de verán, con temperaturas que superarán os 30 graos en moitos puntos da comunidade. É un día de praia e río, que, atendendo ás previsións de Meteogalicia, é posible que se trunque pola tarde no interior do sur de Galicia con algunhas treboadas e chuvascos.
Na primeira xornada de votación nun mes de xullo, os galegos poderán substituír os abrigos de outono de anteriores convocatorias electorais pola roupa propia do verán, á vista de que as temperaturas experimentarán un ascenso entre lixeiro e moderado. De feito, Ourense alcanzará os 36 grados, Pontevedra os 35 e Vigo os 34, bastante por enriba dos 27 previstos para Lugo.
Así as cousas, hai avisos de nivel amarelo para a tarde para zonas de Ourense (Valdeorras e Miño) e de Pontevedra (litoral e Miño) ante a previsión de que os termómetros superarán alí os 34 graos.
En canto ás temperaturas mínimas, o mapa urbano de Meteogalicia apunta a que se moverán entre os 14 graos da capital lucense e os 23 da olívica.
Con todo, a xornada pode deixar chubascos localmente treboentos nalgúns puntos do sur no interior, sobre todo pola tarde.
