Catro feridos, entre eles un menor, nun accidente múltiple en Vigo

Un dos adultos implicado no sinistro está grave
O accidente rexistrouse na avenida de Portanet. GSV
photo_camera O accidente rexistrouse na avenida de Portanet. GSV

Catro persoas resultaron feridas este luns nun accidente en Vigo con polo menos catro turismos implicados.
Segundo informou o 112 Galicia, o accidente produciuse sobre as 09:30 horas, momento en que un particular alertou dunha colisión múltiple na rotonda do Álvaro Cunqueiro, na VG-20.

Os xestores do 112 Galicia puxeron en alerta ao Servizo de Urxencias Sanitarias de Galicia-061, que informaron de que catro persoas resultaran feridas. Ao parecer, unha delas está grave e outro dos lesionados é un menor. 

Ata o lugar desprazáronse, ademais, axentes da Garda Civil de Tráfico, da Policía Local e o persoal do servizo de limpeza e mantemento da vía.

Os Bombeiros de Vigo tamén foron informados.