Cazadores e activistas viviron este sábado unha tensa situación en Castro de Rei que ata requiriu a presenza da Garda Civil tras realizarse un "disparo ao aire".
Os feitos ocorreron en torno ás 10.30 horas na zona de Coea-Bazar durante a celebración dun campionato organizado polo Tecor Terra Chá. Un grupo de mulleres que viaxaba nun turismo cruzouse cunha cuadrilla e un dos cazadores perdeu os nervios e pegou un tiro.
Desde a Plataforma Galega para a Defensa Animal e da Natureza –colectivo que se fixo eco do suceso– aseguran que o cazador disparou cara o coche onde viaxaban as mulleres, que non están vinculadas á asociación animalista.
Pola súa parte, o presidente do Tecor, Jaime González, defende que o home pegou un tiro "ao aire". Con todo, considera que o xesto foi un "erro grave" e condena o acto.
Tras o suceso, a Gardia Civil de Vilalba personouse no lugar e requisou a arma.
PRESENZA DE MENORES. A Plataforma Galega para a Defensa Animal e da Natureza denunciou ademais que na cuadrilla había, polo menos, un menor.
