domingo. 09.08.2020 |
El tiempo
domingo. 09.08.2020
El tiempo

O Cheque Brexit da Xunta contará cun millón de euros para apoiar a 100 empresas

Pancartas pro brexit frente ao Parlamento británico.Efe
Pancartas pro brexit frente ao Parlamento británico.Efe
Unha oficina de consultoría comezará a funcionar en Londres na segunda quincena de marzo

O Cheque Brexit que activará a Xunta este mes contará cun millón de euros –ampliable en caso de necesitarse– para apoiar a un centenar de empresas nos seus plans de continxencia e diagnóstico de mercados, con especial atención a pemes.

Coordinado polo Igape, o Cheque Brexit servirá para a análise do negocio no país británico en aspectos como cadea de distribución e comercialización, os marcos regulatorios financeiro e fiscal e o nivel de implantación neste mercado.

"Estamos preocupados como calquera país serio sobre as consecuencias do Brexit", sinalou o presidente da Xunta, Alberto Núñez Feijóo, na rolda de prensa posterior ao Consello da Xunta, no que se analizou o informe de posta en marcha desta iniciativa.

As axudas cubrirán ata o 80 por cento sobre o gasto de consultoría que realice cada compañía. Ademais de plans de continxencia achegarase a cada compañía unha folla de ruta con propostas de diferentes accións a abordar. 

Poderán ser beneficiarias empresas que teñan a Reino Unido como un dos seus cinco primeiros mercados intracomunitarios de exportación, que vendesen ao Reino Unido máis de 100.000 euros nos tres últimos anos, así como nas que supoña un mínimo dun 10% da súa exportación intracomunitaria.

OFICINA EN LONDRES DESDE MARZO

Ademais, haberá un servizo integral de consultoría cunha oficina en Londres para que as compañías galegas con intereses comerciais en Reino Unido poidan resolver dúbidas en materia fiscal, laboral, normativa ou de aduanas, entre outras. Comezará a funcionar na segunda quincena do mes de marzo.

Estas iniciativas súmanse Plataforma Brexit Galicia, en funcionamento desde marzo de 2019, posta en marcha pola Consellería de Economía e que foi utilizada por 123 empresas, 104 das cales xa contan coa súa autodiagnóstico.

Entre xaneiro e novembro deste ano, 503 empresas galegas venderon os seus produtos no mercado británico por un total de 1.400 millóns de euros. O número de compañías que venden a Reino Unido de forma regular –que levan polo menos catro anos consecutivos de vendas– son máis de 300. Produtos industriais, tecnoloxía, bens de consumo, automoción e moda son algúns dos principais sectores.

O Cheque Brexit da Xunta contará cun millón de euros para apoiar a...
Comentarios