domingo. 15.12.2019 |
El tiempo
domingo. 15.12.2019
El tiempo

O Concello de Tui denuncia unha posible estafa por suplantación nun provedor 

Carlos Vázquez Padín, alcalde de Tui. SALVADOR SAS (EFE)
Carlos Vázquez Padín, alcalde de Tui. SALVADOR SAS (EFE)

A cantidade estafada supera os 110.000 euros

O Concello de Tui confirmou este luns a presentación dunha denuncia ante a Policía Xudicial por un suposto caso de suplantación que afectaría a unha empresa provedora desta institución, e que suporía unha estafa de máis de 110.000 euros. 

Segundo confirmaron fontes municipais, os feitos descubríronse cando a empresa se puxo en contacto cun concelleiro para notificarlle que levaba un tempo sen recibir os pagos do Concello. 

A partir dese momento, abriuse unha investigación interna e descubriuse que en xuño do ano pasado alguén en nome desa empresa púxose en contacto co Concello para solicitar que se modificase o número de conta no que recibía os pagos do organismo municipal. 

Naquel momento, unha funcionaria informou a esa persoa de que, para proceder a ese cambio, era necesaria a presentación dun certificado bancario por escrito. Así, pouco despois, recibiuse un correo electrónico no que se reclamaba ese cambio na conta e achegábase un certificado bancario e un escrito co logotipo da empresa. 

Xa que logo, desde ese momento, o Concello, sen ter indicios de que podería tratarse dun engano, comezou a efectuar os pagos nesa conta, ata un total de 110.569,52 euros. A posible estafa non se descubriu ata o 24 de abril pasado, cando a verdadeira empresa confirmou que non estaba a cobrar. 

Segundo informou o goberno local, o pasado venres responsables municipais de Intervención e Tesourería, xunto co alcalde, acudíronse para pór a denuncia ante a Policía Xudicial de Tui. Así mesmo, solicitouse á entidade financeira desde a que o Concello fixo as transferencias a "anulación e/ou retrocesión" deses pagos. 

O Concello de Tui denuncia unha posible estafa por suplantación nun...
Comentarios