martes. 16.07.2019 |
El tiempo
martes. 16.07.2019
El tiempo

O conselleiro de Sanidade explicará nun pleno o plan de Atención Primaria

O conselleiro de Sanidade, Jesús Vázquez Almuiña. CABALAR (EFE)
O conselleiro de Sanidade, Jesús Vázquez Almuiña. CABALAR (EFE)

A Xunta rexistrou a petición de comparecencia que deberá ser tratada en Mesa e Xunta de Portavoces

O conselleiro de Sanidade, Jesús Vázquez Almuiña, explicará nun próximo pleno, probablemente dentro de dúas semanas, o plan para mellorar a Atención Primaria.

Segundo dixo o portavoz do PPdeG no Parlamento, Pedro Puy, a Xunta rexistrou a petición de comparecencia que deberá ser tratada en Mesa e Xunta de Portavoces, polo que posiblemente se produza no seguinte pleno e non no que comeza este martes.

Ademais, está previsto que esta semana finalice o prazo de alegacións ao borrador, en exposición pública actualmente, polo que sería o momento oportuno para comparecer con toda a información, unha vez analizadas todas as alegacións que se poidan presentar.

Preguntado polas declaracións realizadas polo propio Vázquez Almuiña este domingo en distintas entrevistas radiofónicas, o portavoz do PPdeG insistiu en que, na súa opinión, o conselleiro está a facer "un traballo exemplar".

"O conselleiro dixo este domingo que hai un borrador, que está moi traballado, discutido e falado con distintos representantes. Entendo que diga que esas son as liñas mestras do borrador pero tamén que estea aberto a que as melloras se poidan facer", concluíu.

Sobre o pleno do Parlamento que se celebrará este martes e o mércores, Puy destacou que haberá moitas iniciativas relacionadas coa igualdade por parte de todos os grupos e que o PP intentará chegar a acordos no máximo número posible delas.

Tamén mencionou que se debaterá a emenda de totalidade de En Marea á lei de rehabilitación da Xunta, que será rexeitada", polo que o texto continuará a súa tramitación parlamentaria e ademais comparecerá a conselleira de Política Social, Fabiola García, para explicar as liñas de traballo no seu departamento.

O conselleiro de Sanidade explicará nun pleno o plan de Atención...
Comentarios