sábado. 26.09.2020 |
El tiempo
sábado. 26.09.2020
El tiempo

Os contaxios na área da Coruña disparan o número de casos en Galicia a 533

Dúas mulleres camiñan polo paseo marítimo de A Coruña. CABALAR
Dúas mulleres camiñan polo paseo marítimo de A Coruña. CABALAR
A área herculina, que estrea restricións, suma 69 casos desde o venres e xa está en 246

Galicia rexistra este sábado 533 casos activos de covid-19, 89 casos activos máis que o venres, informou este sábado a Dirección Xeral de Saúde Pública da Consellería de Sanidade.

Ademais, a última hora do venres faleceu unha muller de 91 anos en Ourense que presentaba patoloxías previas. Trátase da primeira vítima mortal en Galicia desde o pasado 10 de xuño, hai case dous meses, e eleva a 620 o número de mortos por covid-19 desde o inicio da pandemia.

Por áreas sanitarias, a máis afectada é de novo A Coruña, que este sábado estrea medidas restritivas en cinco municipios da área metropolitana da capital para intentar controlar o brote orixinado nun ximnasio de Arteixo. O número de casos activos nesta área elévase a 246, o que supón 69 máis que o venres.

Tras A Coruña, a área máis afectada é a de Vigo, con 81 casos (3 máis); á que seguen Lugo con 79 casos activos (7 máis), Pontevedra con 44 casos (1 máis), Santiago, 40 (5 máis), Ourense, 37 (3 máis) e Ferrol, 6 (1 máis).

Tres persoas están nas Uci (1 máis) e outras 25 en unidades convencionais de hospitalización (4 máis); mentres que o resto, 505, están nos seus domicilios.

As autoridades sanitarias informan tamén de que xa se curaron 11.403 persoas, o que supón 22 máis que o venres.

Deste dato e do de casos activos con respecto ao día anterior despréndese que o número de positivos na última xornada -dato que non ofrecen desagregado as autoridades sanitarias- é de 111 novos contaxios. O número probas PCR acumulado elévase a 262.510, case dous mil máis que o día anterior.

A Xunta indica tamén que hai un usuario contaxiado nunha residencia de maiores, nas que seguen contaxiados dous profesionais, segundo os datos facilitados. 

Os contaxios na área da Coruña disparan o número de casos en...
Comentarios