A Policía Local de Bueu denunciou a unha nai e un pai por senllos delitos contra a seguridade do tráfico despois de que ambos arroxasen positivo no control de alcoholemia que lles efectuaron. Ademais, nese momento levaban a bordo aos seus dous fillos, menores de idade.
Ocorreu xusto diante da sede da Policía Local. Ao decatarse de que a muller presentaba síntomas de ebriedade, os axentes procederon a efectuarlle a proba. Ao ser positiva, o marido acudiu a recoller aos fillos, pero os policías observaron que tamén el parecía bébedo, o que corroboraron nun primeiro test. O home negouse a realizar un segundo de confirmación.
