A Asociación Animalista Libera denunciou o incumprimento da Lei de Caza de Galicia por parte de afeccionados a esta actividade na comunidade.
O último caso foi o denunciado por un grupo de senderistas na zona de Carballeda de Avia, en Ourense, onde comprobaron como os participantes nunha batida deixaron escopetas desatendidas apoiadas nun vehículo e o capó do mesmo cuberto de latas de cervexa baleiras.
Libera pediu que os Axentes Ambientais sexan provistos de maquinaria e documentación necesaria para poder realizar controis de alcol e outras sustancias aos practicantes destas actividades, e advertiu que este tipo de casos "non son puntuais".