viernes. 07.08.2020 |
El tiempo
viernes. 07.08.2020
El tiempo

Denuncian a existencia de catro cans encadeados entre cascallos en Barro

Un dos cans encadeados en Barro. DP
Un dos cans encadeados en Barro. DP

As asociacións animalistas FFW e Libera! piden á Xunta e ao Concello que actúen

Os colectivos animalistas FFW e Libera! reclamaron á Xunta e ao Concello de Barro que actúen para evitar que catro cans sigan encadeados de forma permanente nunha leira situada no municipio pontevedrés, entre cascallos. Nun comunicado, explican que recibiron o aviso da situación destes canes a través da liña de denuncia 'Sen Cadeas', impulsada pola asociación e a Fundación Franz Weber para visibilizar o encadenamiento permanente de animais domésticos en Galicia.

De acordo ás imaxes que lles chegaron, polo menos catro cans conviven nun espazo con peche improvisado, con materiais perigosos tanto para persoas como animais, é dicir, de forma "completamente inadecuada". Os animalistas recordan que este tipo de condutas constitúen unha infracción de carácter grave da Lei de Benestar Animal, que prohibe de forma explícita a limitación continuada de movementos e sanciónao con multas de ata 5.000 euros, á que se pode sumar a inhabilitación para a tenencia de animais por un máximo de cinco anos.

En consecuencia, piden á Xunta e ao Concello que avalíen se esta situación debe ser abordada tamén polos Servizos Sociais Municipais. "O encadenamiento continuado é unha práctica cruel cos animais, responsable de xerar condutas agresivas e dificultar a súa socialización, ademais das doenzas físicas, como feridas o pescozo e patas, habituais por culpa dunha catividade extrema que xera esta conduta de malos tratos continuados", conclúen no seu escrito.

Denuncian a existencia de catro cans encadeados entre cascallos en...
Comentarios