A Policía Nacional detivo a unha muller en relación co incendio á primeira hora da mañá deste xoves nun estudo na rúa Elduayen, en Vigo, segundo informaron fontes policiais.
A muller atópase nestes momentos detida e ingresada pendente de valoración psiquiátrica, precisan as fontes.
O incendio produciuse sobre as 6.30 horas e obrigou ao desaloxo de todo o edificio, situado no número 26 da céntrica rúa Elduayen, que permaneceu cortada ao tráfico mentres duraron os traballos dos bombeiros, e non causou danos persoais.
