lunes. 13.07.2020 |
El tiempo
lunes. 13.07.2020
El tiempo

Detido un menor como presunto autor da morte da súa nai en Foz

Portal de la vivienda en la que residían el menor detenido y su madre. EP
Portal de la vivienda en la que residían el menor detenido y su madre. EP
O crime produciuse de madrugada ►A vítima é unha muller duns 30 anos

Un mozo de 17 anos foi detido este luns por axentes da Garda Civil como presunto autor da morte da súa nai no municipio de Foz. 

Segundo informaron fontes da investigación, a detención do menor tivo lugar sobre as 12,30 horas deste luns como presunto responsable da morte da súa nai. 

A morte supostamente produciuse de madrugada nesta localidade da Mariña luguesa, onde foi localizado o cadáver da muller, duns 36 anos, que presentaba varias puñaladas.

Por parte da Garda Civil aclararon que tratan o caso como un delito de violencia "doméstica", debido a que o menor e a súa nai compartían domicilio. 

O alcalde de Foz, Fran Cajoto, afirmou que "se se confirman" as sospeitas da Gardia Civil, estaríamos ante un feito "bastante horrible e execrable", un comportamento que escapa "a toda razón e lóxica".

En calquera caso, quixo lanzar unha mensaxe de "tranquilidade" aos veciños desta localidade, cunha poboación duns 10.000 habitantes, porque asegurou que os corpos e forzas de seguridade do Estado están traballando "con toda dilixencia" e da forma "máis áxil posible" para resolver este crime.

Detido un menor como presunto autor da morte da súa nai en Foz
Comentarios