Catro axentes do destacamento de Tráfico de Lugo resultaron feridos a mans dun condutor ebrio que, previamente á agresión, fuxiuse dun control de alcoholemia. O home, veciño de Castro de Rei, foi detido en Pol como suposto autor dun delito contra a seguridade viaria e outro por resistencia a Axentes da Autoridade.
No transcurso do citado control, o detido fixo caso omiso ás indicacións de alto dos axentes e deuse á fuga. Foi localizado á altura de Mosteiro, onde iniciou unha fuxida a pé, sendo finalmente detido. Durante o arresto resultaron feridos de caracter leve catro membros da Garda Civil, xa que, nun momento dado, o home tratou de escaparse de novo, empuxando os axentes.
O arrestado arroxou unha taxa de alcol de 0, 65 mg/l e foi posto a disposicion xudicial.
