Domingo de transición en Galicia á espera da choiva

Galicia quedará este domingo nunha situación intermedia entre as altas e as baixas presións ante a chegada dunha fronte estacionario ao noroeste, á espera de que o luns volvan as choivas.

Con esta situación, segundo a predición de Meteogalicia, espéranse ceos nubrados no noroeste, onde incluso haberá a posibilidade dalgún chuvasco ocasional; e ceos pouco nubrados ou con algunhas nubes de tipo alto no resto.

As temperaturas experimentarán un lixeiro ascenso e os ventos soprarán de compoñente sur, frouxos en xeral, e moderados no litoral.