martes. 24.11.2020 |
El tiempo
martes. 24.11.2020
El tiempo

Extinguido o incendio de Porto do Son e estabilizado o lume de Verín

Vista da superficie calcinada no incendio na parroquia de Queirugás, en Verín. BRAIS LORENZO
Vista da superficie calcinada no incendio na parroquia de Queirugás, en Verín. BRAIS LORENZO

O incendio que desde o martes afectaba o municipio coruñés de Porto do Son quedou extinguido ás 11:27 horas deste xoves, mentres que o de Verín permanece estabilizado desde as 12,49 horas. 

Diso informou a Consellería do Medio Rural, que detalla que o lume de Porto do Son, declarado na parroquia de Nebra ás 16:51 horas do martes, afectou a unha superficie de 40,71 hectáreas de monte arborado. 

Nel traballaron un técnico, 22 axentes, 34 brigadas, 27 motobombas, dúas pas, sete helicópteros e seis avións. 

Pola súa banda, Medio Rural estima agora en 144 hectáreas a superficie afectada polo incendio de Verín, estabilizado desde as 12:49 horas deste xoves. 

O lume afecta o mediodía do mércores á parroquia de Queirugás. Para as tarefas de control mobilizáronse até o momento un técnico, seis axentes, 20 brigadas, once motobombas, dúas pas, dez helicópteros e nove avións. 

Por último, no municipio veciño de Riós continúa controlado desde as 16:24 horas deste xoves un lume que comezou na parroquia de Castrelo de Cima cara ás 22:00 horas do mércores e que afectou xa a máis de 20 hectáreas, segundo as primeiras estimacións. Nos labores de extinción colaboraron até agora cinco axentes, 10 brigadas, seis motobombas e unha pa.

Extinguido o incendio de Porto do Son e estabilizado o lume de Verín
Comentarios