A Axencia Tributaria enviou unha notificación a unha moza de 16 anos para informarlle de que o premio que lle concedeu a Xunta o ano pasado polos seus méritos académicos está suxeito a unha retención do 19 %.
Inés Carrión estudou no IES Ramón Menéndez Pidal da Coruña ata o ano pasado, cando cursou 4º da ESO, onde aseguran a Efe que "é unha alumna modélica e un gran crédito para o instituto".
Actualmente está matriculada no bacharelato internacional do Instituto Rosalía de Castro de Santiago de Compostela.
A moza recibiu un cheque por importe de 750 euros o ano pasado polo seu extraordinario expediente.
Agora, a Axencia Tributaria recórdalle que está suxeito a unha retención do 19 %.
A delegada especial da Axencia Tributaria en Galicia, Imelda Capote, indicou estas mañá, preguntada por este caso, que Hacienda "aplica a normativa".
"Hai unha consulta vinculante de tributos dicindo que este tipo de premios está suxeito e non exento, tributa", abundou sobre esas axudas na rolda de prensa de presentación da Campaña da Renda de 2018.