viernes. 20.09.2019 |
El tiempo
viernes. 20.09.2019
El tiempo

Falece un condutor nunha saída de vía na N-532 en Verín

Estado no que quedou o vehículo no que viaxaba o veciño de Verín falecido. EMERXENCIAS OURENSE
Estado no que quedou o vehículo no que viaxaba o veciño de Verín falecido. EMERXENCIAS OURENSE
Era un veciño da localidade ourensá de 45 anos
Un condutor faleceu na madrugada deste venres como consecuencia da saída de vía dun turismo co que circulaba pola N-532, no termo municipal de Verín coa fronteira portuguesa.

O falecido, un home de 45 anos, veciño de Verín, con iniciais G.H.D, era o condutor e único ocupante do vehículo.

Segundo os datos facilitados por efectivos de urxencias, o sinistro rexistrouse sobre as 5:40 horas deste venres no cruzamento de Mourazos cando o condutor se saíu da vía pola marxe dereita e chocou contra un poste de enerxía eléctrica.

Ata o lugar desprazáronse persoal sanitario do 061, a Garda Civil de Tráfico, Protección Civil e Bombeiros de Verín.

A Garda Civil de Tráfico investiga as causas deste último accidente mortal rexistrado na provincia ourensá. 

Falece un condutor nunha saída de vía na N-532 en Verín
Comentarios