Tarde negra nas estradas galegas. Un home de 32 anos, de iniciais L.P.M., faleceu este sábado nun accidente de moto en Aguiño, en Ribeira. Menos dunha hora antes perdera a vida outro motorista nun sinistro rexistrado en Ponteareas.
O accidente de Ribeira ocorreu sobre as 19.11 horas, e levou a mobilizar persoal do punto de atención continuada de Ribeira e unha ambulancia do 061, ademais da Garda Civil, a Policía Local e Protección Civil.
Pouco antes, sobre as 18.30 horas, rexistrábase o sinistro de Ponteareas, onde un motorista —un home de 43 anos de iniciais D.G.C.— perdeu a vida tras chocar cun turismo.