Unha muller faleceu este xoves en Marín mentres realizaba labores de roza na parroquia de Mogor. O suceso produciuse ás 12.00 horas.
Foi o marido quen alertou a veciños da zona do suceso, despois de que a súa muller empezásese a sentir indisposta mentres traballaban nunha leira próxima á curva do antigo matadoiro da zona. A vítima baixou ao coche a buscar auga e o seu marido, que se estrañou de que a súa esposa tardase demasiado en volver, acudiu á zona onde o vehículo estaba estacionado, onde a muller xacía no chan.
Os servizos de Urxencias trataron de reanimala durante preto de media hora pero nada se puido facer pola súa vida.
Aínda que non transcenderon as causas do falecemento, fontes consultadas apuntan a un posible golpe de calor.
