O venres Galicia quedará na influencia do anticiclón, o que deixará unha xornada de tempo seco e de sol.
Os ceos permanecerán pouco nubrados ou despexados en xeral, con algún banco de néboa nas primeiras horas en puntos de interior e nubes de evolución no interior pola tarde.
As temperaturas mínimas estarán sen cambios significativos, mentres que as máximas experimentarán un lixeiro ascenso.
O vento soprará frouxo de compoñente leste, con réxime de brisas no litoral.
Temperaturas extremas previstas nas cidades:
A Coruña 6° 19°, Ferrol 5° 20°, Lugo 2° 18°, Ourense 5° 21°, Pontevedra 5° 21°, Santiago de Compostela 4° 19° e Vigo 6° 20°