domingo. 27.09.2020 |
El tiempo
domingo. 27.09.2020
El tiempo

A formación de Pachi Vázquez repetirá coalición con Recortes Cero e Os Verdes

Pachi Vázquez, líder de Espazo Común. ARQUIVO
Pachi Vázquez, líder de Espazo Común. ARQUIVO
Espazo Común prevé presentar candidatura nas catro provincias o 12 de xullo

Espazo Común, a formación impulsada polo que fose secretario xeral do PSdeG Pachi Vázquez, repetirá coalición con Recortes Cero e Os Verdes de face ás próximas eleccións autonómicas do 12 de xullo.

Segundo explicaron fontes da coalición a Europa Press, prevén presentar candidaturas polas catro provincias galegas para as próximas eleccións ao Parlamento de Galicia.

Ademais, nun comunicado remitido aos medios, a coalición recorda que tres días antes do estado de alarma reclamou a suspensión dos comicios e esixiu que todas as decisións que se tomasen tivesen como criterio fundamental "a saúde e a vida das persoas" e "ningún outro criterio".

Ao mesmo tempo, a coalición que encabezan Pastora Fernández e Francisco Fraga recorda que pediu que a suspensión electoral non abrise un "período amplo no que un pequeno número de forzas monopolizasen a atención coa súa presenza nos medios públicos e privados".

Así mesmo, rexeita que non se convocase a consultas a todas as forzas presentes na campaña para abordar a nova data das eleccións e asegura que non concibe unha campaña sen un trato igualitario e democrático, que atenda ás condicións de urxencia sanitaria nas que se celebran.

A formación de Pachi Vázquez repetirá coalición con Recortes Cero e...
Comentarios