Galicia pide avanzar a fase 3 o luns e insiste na mobilidade entre provincias

O documento, incidiu Jesús Vázquez Almuiña, "mostra as capacidades da Comunidade Autónoma para afrontar a epidemia"
Xente paseando e nas terrazas en Lugo. XESÚS PONTE
photo_camera Xente paseando e nas terrazas en Lugo. XESÚS PONTE

A Consellería demandou ao Ministerio de Sanidade que "todo o territorio de Galicia" avance o luns 8 de xuño á fase 3 por presentar "condicións adecuadas epidemiolóxicas" e insiste na mobilidade interprovincial en toda a Comunidade galega. 

Así o explicou o conselleiro de Sanidade, Jesús Vázquez Almuiña, nunha rolda de prensa telemática este martes para informar da proposta trasladada na tarde do luns ao Ministerio de Sanidade sobre as capacidades estratéxicas sanitarias da Comunidade galega para acceder á fase 3 da desescalada. 

Almuiña insistiu nestes dous aspectos -cambio de fase de toda a Comunidade galega e mobilidade nas catro provincias- recollidos na proposta de Galicia, composta por unha carta e un documento de 159 páxinas remitida ao Ministerio, para que poidan contestar nos próximos días, tras unha "boa evolución en todo o territorio galego cunha tendencia descendente en todas as provincias". 

"Cando pasadomañá (xoves) vanse a cumprir tres meses do diagnóstico do primeiro caso en Galicia o total de afectados é de 11.314 persoas", afirmou, para destacar que non se rexistrou "ningún éxitus nos últimos dous" días e Galicia sitúase como segunda comunidade con menor taxa de letalidad (6,67) tras Canarias (6,49). 

O documento, incidiu o conselleiro, "mostra as capacidades da Comunidade Autónoma para afrontar a epidemia" e destacou que se realizaron 319.109 probas, das cales unhas 144.000 son PCR e 174.000 test serológicos". Desde o 11 de maio cando comezou o novo sistema, a Atención Primaria solicitou 8.761 PCR que se realizaron en menos de 24 horas e consolídase a central de seguimento de contactos", valorou. 

Comentarios