O Boletín Oficial do Estado (BOE) publica este martes a repartición entre as comunidades autónomas dos 100 millóns de euros dos fondos do Pacto de Estado contra a Violencia de Xénero correspondentes a 2020, así como de tres créditos da Delegación do Goberno por valor de 9,5 millóns.
Os fondos foron distribuídos de acordo aos criterios acordados o pasado 4 de maio polo Goberno e as comunidades na Conferencia Sectorial de Igualdade e aprobados o día 12 polo Consello de Ministros.
Na repartición dos 100 millóns de euros tivéronse en conta a distribución das mulleres polo territorio, maiores de 65 anos, con traballo temporal ou paradas, con discapacidade, número de estranxeiras e poboación rural.
Tamén se incluíron partidas especiais de dous millóns de euros para Ceuta e Melilla por ser cidades fronteirizas e de catro millóns para Baleares e Canarias por insularidade.
As comunidades e cidades autónomas deberán presentar antes do 31 de marzo do 2021 un informe final sobre os proxectos ou programas impulsados
As comunidades que máis fondos recibirán en 2020 serán Andalucía (15,28 millóns), Cataluña (12,83 millóns), Madrid (10,5 millóns), Comunidade Valenciana (8,76 millóns), Galicia (7,94 millóns) e Castela e León (7,43 millóns).
Séguenlle Castela-A Mancha (6,24 millóns), Canarias (5,92 millóns), Aragón (4,65 millóns), Estremadura (4,61 millóns), Baleares (4,14 millóns), Murcia (3,41 millóns), Asturias (2,87 millóns), Cantabria (1,55 millóns), A Rioxa (1,5 millóns) e Ceuta e Melilla (con 1,15 millóns para cada unha).
As comunidades e cidades autónomas deberán presentar antes do 31 de marzo do 2021 un informe final sobre os proxectos ou programas impulsados para o desenvolvemento do Pacto de Estado contra a Violencia de Xénero.
Os fondos deben destinarse ao mantemento e mellora das redes de recursos e servizos sociais de atención ás vítimas, con especial atención ás mulleres en situación de vulnerabilidade, á inserción sociolaboral e a campañas de sensibilización e prevención.
Nas comunidades autónomas con competencias en materia de xustiza, destinaranse ao reforzo das Unidades de Valoración Forense Integral e das oficinas de asistencia ás vítimas
Tamén a protocolos de coordinación e colaboración entre as administracións e institucións, ao establecemento dun sistema de acompañamento das mulleres, ao reforzo dos servizos de apoio aos menores fillos e dos Puntos de Encontro Familiar e á formación especializada no ámbito educativo e de medios de comunicación.
Nas comunidades autónomas con competencias en materia de xustiza, destinaranse ademais ao reforzo das Unidades de Valoración Forense Integral e das oficinas de asistencia ás vítimas.
Dos 9,5 millóns de euros dos tres créditos da Delegación do Goberno contra a Violencia de Xénero, 6,5 millóns será para programas de asistencia integral para mulleres vítimas de violencia machista e os seus fillos, 1 millón para plans personalizados de atención e desenvolvemento de actuacións en relación a outras formas de violencia sobre as mulleres e 2 millóns para o programa de apoio a vítimas de delitos sexuais.
