A Asociación Hablamos Español informaba este martes que denunciara a dous xogadores dun equipo de rugby por ameazar con agresións sexuais telefonicamente á súa presidenta e vicepresidenta, Gloria Lago. Con todo, desde o club confirmaban de que se trataba dun só un xogador e que xa se tomaron as medidas pertinentes para apartalo do equipo.
A presidenta de Hablamos Español, Gloria Lago, recibiu a chamada dunha persoa que se fixo pasar por alguén interesado na recollida de firmas a favor da Lei de Liberdade de Elección de Lingua que promove dita asociación, e que tenta levar ao Congreso en forma de Iniciativa Lexislativa Popular.
No momento da chamada, esa persoa comezou a proferir frases despectivas, groseiras e ameazas sexuais, informou Hablamos Español nun comunicado.
Posteriormente foi Marisol Legaz, vicepresidenta da asociación, quen recibiu tres chamadas perdidas no seu móbil e respondeu preguntando vía whatsapp en que podía axudar. O individuo fíxose pasar por alguén interesado na recollida de firmas e a continuación chamárona por whatsapp, pero en canto descolgou o teléfono comezaron a proferir expresións groseiras, segundo relatan desde esta asociación, que precisa que os denunciados deixaron un audio no que se recollen as ameazas sexuais explícitas.
