O presidente da Xunta de Castela e León, Juan Vicente Herrera, eloxiou este luns a "posición de centralidade", a "moderación" e o "sentido común" que representa o seu homólogo galego, Alberto Núñez Feijóo, de quen destacou que é "compañeiro de partido e amigo".
Nun almorzo informativo organizado polo diario El Norte de Castilla que ambos os dirixentes populares comparten no municipio valisoletano de Arroyo de la Encomienda, Herrera comezou por enxalzar a un "dos líderes máis importantes, máis respectados e máis seguidos de España".
En opinión do presidente castellanoleonés, que non aspira á reelección, Feijóo mostrou unha "ambición permanente por abrir e ensanchar a base social do seu proxecto para Galicia".
Sen alusións aos recentes resultados electorais a nivel nacional, Herrera destacou do presidente galego que a súa forma de facer política desde a centralidade converteno no "único presidente depositario dun ben tan escaso como a maioría absoluta".