O interior de Galicia amence con temperaturas baixo cero

A mínima de Galicia rexistrouse en A Veiga, con -3,4º
Las bajas temperaturas dejan fuertes heladas en la provincia. AMA
photo_camera Xeadas nun prado. AMA

O interior de Galicia volveu a rexistrar temperaturas mínimas baixo cero en numerosas localidades este xoves. O valor mínimo correspondeu ao municipio ourensán de A Veiga, con -3,4 graos centígrados

Así consta nos rexistros publicados por Meteogalicia até as 10.00 horas deste xoves, recollidos por Europa Press, nos que se reflicte que foron localidades situadas en zonas altas as que rexistraron as temperaturas máis baixas. 

Ademais dos -3,4º de A Veiga, os termómetros caeron até os -3,2º en Manzaneda; aos -2,9º en Carballeda de Valdeorras e aos -1,5º en Vilariño de Conso, todas localidades ourensás. 

Mentres, en zonas con altitude menor de 900 metros, a temperatura mínima este xoves correspondeu a Xinzo de Limia (Ourense), con -2,4º; seguida de Sarria (Lugo) e Calvos de Randín (Ourense), con -2,1º en ambos os casos.  Outros puntos da provincia de Lugo, como a propia capital, tamén rexistraron temperaturas baixo cero: -0,2.

Na xornada deste mércores a temperatura mínima na comunidade galega situárase en -2,2ºC en Pedrafita do Cebreiro.