sábado. 22.02.2020 |
El tiempo
sábado. 22.02.2020
El tiempo

Unha investigación dunha estudante compostelá gana o II Premio Stephen Hawking

O premio Nobel de Química en 2016, Jean-Pierre Sauvage, entrega á estudante Esther Revenga, o primeiro premio dos II Galardóns Stephen Hawking-Rosalía Abanca. LAVANDEIRA JR
O premio Nobel de Química en 2016, Jean-Pierre Sauvage, entrega á estudante Esther Revenga, o primeiro premio dos II Galardóns Stephen Hawking-Rosalía Abanca. LAVANDEIRA JR

O xurado do premio destacou o "rigorosas" que son as propostas presentadas, que levan "moitas horas de traballo" detrás e que o seu fin non é máis que contribuír ao coñecemento da sociedade

Unha investigación sobre nanopartículas e susceptibilidade magnética levada a cabo por unha estudante de Bacharelato do IES Rosalía de Castro de Santiago de Compostela alzouse este martes vencedora do II Premio Stephen Hawking Rosalía-Abanca que este mesmo instituto concede.

Este galardón, creado hai un ano e apadriñado polo recoñecido físico falecido recentemente, ten como obxectivo premiar e distinguir a mozos investigadores dos centros de educación secundaria de Galicia que elaboran traballos sobre temas seleccionados, moléculas no caso desta edición.

O xurado do premio, composto por profesores e representantes do mundo académico e empresarial, destacou o "rigorosas" que son as propostas presentadas, que levan "moitas horas de traballo" detrás e que o seu fin non é máis que contribuír ao coñecemento da sociedade.

Así pois, ademais do primeiro premio, distinguiuse a proxectos relacionados cos cuasicristais e os seus mosaicos, cos efectos terapéuticos de moléculas presentes nos pementos de Padrón ou cos efectos prexudiciais do fume do tabaco.

O II Premio Stephen Hawking Rosalía-Abanca contou coa participación de numerosos institutos de toda Galicia e nesta edición estivo apadriñado polo premio Nobel de Química Jean Pierre Sauvage, que supervisou as candidaturas e involucrouse profundamente cos proxectos.

Este martes Sauvage ofreceu unha conferencia sobre o seu traballo no instituto compostelán organizador dos premios e, posteriormente, no acto de entrega, declarouse sorprendido gratamente polo nivel dos traballos.

Ademais, reflexionou acerca de que "ciencia básica" doutros séculos foi clave para, centos de anos máis tarde, poder desenvolver inventos e aplicacións fundamentais na sociedade actual, como foi o caso dos semiconductores e os transistores.

Neste evento, tamén participou a conselleira de Educación, Universidades e Formación Profesional, Carmen Pomar, antiga alumna do centro, que valorou a importancia da formación en ciencias e tecnoloxía e defendeu a implantación de bacharelatos de excelencia neste ámbito.

De igual modo, celebrou que a maioría dos proxectos premiados sexan obra de mulleres e axudan a romper coa dinámica antiga de que os homes copasen os focos na ciencia.

Ao longo da tarde tomou a palabra tamén o coordinador de negocio internacional de Abanca na Coruña, José Manuel Vilariño, que mostrou a "satisfacción" da entidade que representa por formar parte de iniciativas como esta. 

Unha investigación dunha estudante compostelá gana o II Premio...
Comentarios