miércoles. 01.04.2020 |
El tiempo
miércoles. 01.04.2020
El tiempo

Investigadores da UVigo descobren dúas novas especies de lombrigas de terra

Un ejemplar de una de las nuevas especies de miñoca. UVIGO
Un ejemplar de una de las nuevas especies de miñoca. UVIGO

Bautizáronas como Galiciandrilus e Compostelandrilus

 

 

Investigadores do grupo de Ecoloxía Animal da Universidade de Vigo publicaron un artigo no que dan conta do achado de dúas novas especies de lombrigas de terra, e propuxeron dous xéneros, bautizados como Galiciandrilus e Compostelandrilus. 

Este grupo, liderado polo catedrático de Zooloxía Jorge Domínguez, xa publicara en 2015 un artigo no que demostrou que a actual clasificación de lombrigas na rexión paleártica e as hipóteses subxacentes de evolución tiñan que ser "revisadas", tal e como apuntou o propio Domínguez. 

Este científico lembrou a importancia das lombrigas de terra na ecoloxía do chan, sobre todo na configuración das comunidades vexetais que viven sobre elas, e por iso "son obxecto dunha investigación intensiva". No entanto, precisou, a súa clasificación taxonómica e as súas relacións evolutivas seguen suscitando debate. 

Na investigación do grupo vigués confirmouse, explicou o responsable do equipo, a "plasticidad anatómica" e a necesidade dunha "revisión extensiva" da taxonomía da familia Lumbricidae. Ademais, dada a distribución xeográfica das novas especies, "deberían iniciarse esforzos de conservación para preservar esta diversidade biolóxica única". 


 

Investigadores da UVigo descobren dúas novas especies de lombrigas...
Comentarios