sábado. 16.11.2019 |
El tiempo
sábado. 16.11.2019
El tiempo

Investigan por novos roubos de maquinaria agrícola ao melidense que subtraeu un tractor en Agolada

Parte da maquinaria roubada en Agolada e achada en Melide. GARDA CIVIL
Parte da maquinaria roubada en Agolada e achada en Melide. GARDA CIVIL

A Garda Civil achou o material nunha casa distinta á que albergou os obxectos roubados na primeira ocasión

O melidense que en decembro foi detido como suposto autor do roubo dun tractor e dunha máquina plastificadora de herba nunha explotación de Artoño (Agolada) volve estar no punto de mira da Garda Civil, que o investiga por novas subtraccións noutras granxas da mesma parroquia.

No marco da denominada operación Xeada, levada a cabo pola área de Investigación do Posto de Lalín, os axentes rexistraron nos pasados días unha vivenda en Melide na que recuperaron dous grupos electróxenos, dúas hidrolimpadoras, un comprensor, unha soldadora e diversa ferramenta, subtraídos tamén en explotacións de Artoño.

Trátase dun material atopado noutra casa distinta onde foron achados o tractor e a máquina plastificadora a finais do pasado ano, pero tamén situada no municipio de Melide. 

Cabe lembrar que as pescudas levadas a cabo pola Benemérita por mor da denuncia presentada en novembro polo roubo do tractor e da máquina plastificadora levaron á detención dun veciño de Melide e á investigación doutros dous por presunta relación coa subtracción.

Trátase de A. M. S, de 23 anos, I. Q.M., de 21 anos, e de E.E.M., de 23 anos. Entón, os tres quedaron en liberdade, coa obrigación de comparecer no xulgado lalinense cando fosen citados.  

Investigan por novos roubos de maquinaria agrícola ao melidense que...
Comentarios