miércoles. 12.08.2020 |
El tiempo
miércoles. 12.08.2020
El tiempo

Localizado en bo estado un octoxenario que pasou a noite á intemperie en Valdoviño

Oficina do 112. ARQUIVO
Oficina do 112. ARQUIVO

Un home duns 80 anos desaparecido desde a tarde deste luns foi localizado na mañá deste martes en bo estado despois de pasar a noite á intemperie en Valdoviño. 

Atendendo á información do 112 Galicia, a familia buscábao desde as 18.00 horas do luns, cando notou a súa falta. Así o explicaron ao persoal do servizo de urxencias cando, pasada a medianoite, chamaron para solicitar axuda para localizar o octoxenario, que vive no lugar de Aviño e non regresara a casa tras saír a dar un paseo. 

A central do 112 pediu a colaboración da Garda Civil e dos voluntarios de Protección Civil da localidade. Co avance da madrugada, fóronse unindo outros equipos de rescate, como os membros do GES de Mugardos e tamén o Servizo de Cans de Galicia. Ademais, estaba prevista a saída do grupo técnico da Axencia Galega de Emerxencias cos drons, pero, sobre as nove da mañá deste martes, un familiar atopou o home nun camiño en bo estado, a pesar de pasar a noite fóra de casa. 

No entanto, a través do 112 Galicia, pediuse a colaboración de persoal sanitario para someter o octoxenario a un recoñecemento médico. 

Localizado en bo estado un octoxenario que pasou a noite á...
Comentarios